Tuesday 21 July 2015

Elain gives her thoughts on the NYOW Residency so far / Dyma trosolwg Elain o'r cwrs hyd at hyn.

Gyda ail ddiwrnod y cwrs bron a dod i ben, rydw i’n teimlo’n hollol gartrefol yng nghwmni teulu’r Nash. Mae aelodau’r gerddorfa, y staff a’r tiwtoriaid yn hynod o glen ac mae pawb fel un teulu mawr. Roedd hi’n braf cael cyfle i ddod i adnabod aelodau y grwpiau lles yn well neithiwr ac rwy’n edrych ymlaen at y gweithgareddau nosweithiol fel yr Olympics heno! Roedd yr ymarfer llawn cyntaf neithiwr yn deimlad rhyfeddol ac roedd hi’n braf cael cyd-chwarae gyda offerynnau’r gerddorfa a cherddorion mor dalentog – oedd yn gwneud i mi edrych ymlaen hyd yn oed yn fwy at y cyngherddau!

Mae’r lleoliad preswyl yn hynod o hwylus a’r bwyd yn fendigedig (!). Mae ymarferion adrannol y telynnau wedi bod yn andros o hwyl dan arweiniad Eluned Pierce. Edrychaf ymlaen at ginio’r tiwtoriaid nos Wener i ddiolch iddi am ei gwaith.


Rwy’n edrych ymlaen i weld beth fydd y cyfansoddwyr ifanc wedi eu cyfansoddi ar gyfer y telynnau ar ol iddynt ddod draw i gwrdd a’r telynnau ac i gael gwybod mwy am dechnegau’r delyn yn gynharach heddiw. Bydd cael clywed y darnau gorffenedig yn un o uchafbwyntiau’r cwrs yn sicr!


No comments:

Post a Comment